Gobernantza

IKUR Estrategia 2030era begira lan egiteko programatzat proposatzen da. Ildo horretan, 10 urterako programa da, eta bere jarraipena eta finkapena emaitzen aldizkako ebaluazioaren araberakoa izango da.

Horretarako gobernantza hau dauka:

  • Eusko Jaurlaritzako Zientzia, Unibertsitate eta Berrikuntza Saila, estrategiaren kudeaketaren eta garapenaren bultzatzaile eta lider gisa
  • Eusko Jaurlaritzak lehentasunezko arlo bakoitzean izendatutako koordinazio zientifikoa: 
    • Neurobiozientzien arlokoa Iban Ubarretxena Belandia (Biofisika)
    • Neutrionikaren arlokoa Daniel Sánchez Portal (MPC)
    • Teknologia kuantiko eta, Superkonputazioa eta Adimen Artifiziala (HPC-IA) arlokoa Ricardo Díez Muiño (DIPC)
  • Ikerbasque, baliabideak kudeatu eta banatzearen erakunde arduradun gisa
  • Euskampus Fundazioa, idazkaritza tekniko gisa

Mobilizatutako eta mobilizatu beharreko inbertsioa

IKUR Estrategiak Eusko Jaurlaritzako Zientzia, Unibertsitate eta Berrikuntza Sailak emandako finantzaketa propioa du. Baliabideen ekarpen hori hazi kapitaltzat ulertzen da, eta, beste iturri batzuetatik jasotako finantzaketa osagarriarekin batera, IKURen parte hartzen duten zentro eta ikertaldeei aukera eman behar die beren posizionamendua sendotzeko eta nazioarteko erreferentziazko deialdi eta proiektuetarako sarbidea errazteko.

IKUR Estrategiaren funtzionamendu eredua, ildo horretan, Gobernuaren eta parte hartzen duten eragile eta ikertaldeenartean partekatutako arrisku apustua da; izan ere, emandako baliabideak baliabide propioen edo beste finantzaketa iturri batzuk eskuratzearen bidez osatu behar dira (eragile eta ikertalde bikain horiek ohituta daude horiek arrakastaz eskuratzera).